MAGANIN HASSADA A ZUCIYA!!!

Sanin girman laifinsa a wurin Allah da cewa shi (Laifi) ne dake cinye aikin kwarai, kamar yadda wuta take cin itatuwa, kamar yadda ya inganta a cikin hadithi.

Abin da Allah Ta'ala ya baiwa waninka to wannan karkashin ikon Allah ne da kuma hikimarsa. Kuma rashin yarda da hakan, yana nuni ne zuwa ga kauda kai daga Allah.
Kuma raunin imani ne da abin da Allah ta'ala ya kaddara, kuma ya hukunta

Yawan fadin cewa: MASHA ALLAHU , TABARAKALLAH; Ma'ana: "Haka Allah yaso, Allah yayi albarka".
Wannan kuwa yana faruwa ne a duk lokacin da mutum yaga abin da yake burge shi.
Yin hakan yana nunawar cewa kana da kyakkyawar zuciya.

Sanin ladan da Allah ta'ala yake bayarwa ga duk wanda ya guji hassada.
Duk wanda yayi barci alhali babu hassada a cikin zuciyarsa ga dayanmu, lallai ladansa mai girma ne.
Kamar yadda ya tabbata daga Manzon Allah tsira da aminci su tabbata a gare shi, " Lallai yayiwa daya daga cikin sahabbansa bushara da aljannah.
Abdullahi dan Umar Allah ya kara masa yarda, yaje gidan wannan mutumin ya kwana kuma ya sami tabbacin cewa babu abin da ya sanya har ya sami wannan bushara face yana kwana ne babu wani a cikin ransa.

Yan uwa mu guji hassada a dukkan lamuran mu, mu daina sa haushin wani namu ya samu wani abu, dukkan abin da ka samu rabonka ne, haka dukkan abin da ka rasa ba rabonka bane, duk bakin cikin mai bakin ciki ko hassadar mai hassada basu iya hanama abin da Allah ya hukunta rabonka ne, Allah yasa mu gane.

ALKALAMI SHI NE FARKON ABIN DA ALLAH YA HALITTA,
BA HASKEN MANZON ALLAH KO ZATINSA BA, KAMAR YADDA MASU BIDI'A KE CEWA:
*****************************************
KARA TUNATAR DA AL'UMMAR MUSULMI ABIN DA YA ZAMA WAJIBI SU YI IMANI DA SHI
******************************************

Sau da dama 'Yan'uwa Musulmi za ku rika ganin cewa Sufaye da dukkan wadanda suka saki hanyar Shari'ah cikin tafiyar da addininsu suna barin yin aiki da nassin Alkur'ani, ko nassin ingantaccen hadithi, su koma suna yin aiki da nassoshin da ko dai su ne suka kirkiro su da kansu, ko kuwa a'a wasu hadithai ne masu rauni matuka, ko kuwa wasu hadithai ne na karya a bisa ittifakin masana ilmin hadithi!!

Misali: Imam Abu Daawuud ya ruwaito hadithi na 4,702, da Imamut Tirmizi hadithi na 2,155, da Imam Ahmad hadithi na 22,757 daga Sahabi Ubaadatu Dan Saamit, haka nan ma Imamul Haakim cikin Mustadrak dinsa hadithi na 3,693, da Imamut Tabaraanii cikin Almu'ujamul Kabeer hadithi na 12,060, da Imamul Baihaqii cikin As-Sunanul Kubraa hadithi na 18,157 daga Sahaabi Abdullahi Dan Abbas, sannan Imamul Albaanii da sauran masana Ilmin Hadithi sun inganta shi, dukkan wadannan Sahabbai biyu ko wannensu ya ce:-

((سمعت رسول الله صلى الله عليه وسلم يقول: ان اول ما خلق الله القلم، فقال له: اكتب. قال: رب وماذا اكتب؟ قال: اكتب مقادير كل شيء حتى تقوم الساعة)). انتهى.

Ma'ana: ((Na ji Manzon Allah mai tsira da amincin Allah yana cewa: Lalle farkon abin da Allah Ya halitta shi ne Alkalami, sannan Ya ce da shi: Ka rubuta, to sai ya ce: Ya Ubangijina mene ne zan rubuta? Sai Ya ce: Ka rubuta kaddarorin kome har Sa'ah ta tsaya)). Intaha.

Kamar yadda kuke gani wannan nassi ne na sahihin hadithi, to amma kuma duk da haka sai ga shi Aluusii ya hikaito daga Sufaye cikin tafsirinsa mai suna Ruuhul Ma'aanii 17/105 cewa sun ce ya zo cikin Hadithi cewa Annabi mai tsira da amincin Allah ya ce wa Sahabi Jabir Dan Abdullahi :-

((اول ما خلق الله تعالى نور نبيك يا جابر)). انتهى.

Ma'ana: ((Ya Jabir! Farkon abin da Allah Madaukakin Sarki Ya halitta shi ne hasken Annabinka)). Intaha.

Don Allah ku duba ku ga irin yadda Sufaye suka bar yin aiki da ingantaccen hadithi, suka koma suka kirkiro wani hadithin karya suka jingina shi zuwa ga Annabi mai tsira da amincin Allah, ta inda kuwa za ku fahimci cewa hadithi ne karya shi ne: Sam ba ya rubuce cikin littattafan hadithi sanannu, wannan shi ya sa ma a lokacin da Sheik Muhammad Jameel Zainu yake bayanin hadithai na karya cikin littafinsa Mai suna: Minhaajul Firqatin Naajiyah Wat Taa'ifatil Mansuurah shafi na 74 ya ce:-

((اول ما خلق الله نور نبيك يا جابر". موضوع)). انتهى.

Ma'ana: ((Ya Jabir! Farkon abin da Allah Ya halitta shi ne hasken Annabinka". maudhuu'ine)). Intaha. Haka ma Sheik Albanii ma a cikin littafinsa Silsilatul Ahaadithis Sahiihah 1/457 a lokacin da ya kawo hadithin nan na 2,996 da Imam Muslim ya ruwaito cikin Sahihinsa watau:-
((خلقت الملائكة من نور وخلق الجان من مارج من نار، وخلق ادم مما وصف لكم)). انتهى.

Ma'an: ((An halicci Mala'iku daga wani irin haske ne, sannan an halicci Aljannu daga wani irin harshen wuta mai launin baki-baki ne, sannan kuma an halicci Adamu ne daga abin da aka siffanta muku)). Sai shi Albaanii ya ce:-
((فيه إشارة الى بطلان الحديث المشهور على السنة الناس: "اول ما خلق الله نور نبيك يا جابر" و نحوه من الأحاديث التي تقول بانه صلى الله عليه وسلم خلق من نور، فان هذا الحديث دليل واضح على ان الملائكة فقط هم الذين خلقوا من نور، دون ادم وبنيه، فتنبه ولا تكن من الغافلين)). انتهى.

Ma'ana: ((Cikin wannan hadithin akwai isharar cewa hadithin nan da ya shahara cikin harsunan mutane, watau: "Ya Jabir farkon abin da Allah Ya halitta shi ne hasken annabinka" da ma irinsa daga cikin hadithan da suke cewa: Annabi mai tsira da amincin Allah an halicce shi ne daga wani irin haske magana ce ta karya. Lalle wannan hadithin hujja ce karara da ke nuna cewa: lalle Mala'iku ne kadai aka halitta su daga wani irin haske, amma banda Adamu da 'ya'yan shi. Sai ka fadaka, kada ka kasance daga cikin gafalallu)). Intaha.

Allah Ya shiryar da sufayenmu cikin wannan Al'ummah, da ma dukkan sauran karkatattu da ake da su cikin wannan Al'ummah Muhammadiyyah.

Ya Allah! Ka nuna mana gaskiya gaskiya ce Ka ba mu ikon bin ta, Ka nuna mana karya karya ce Ka ba mu ikon guje mata. Ameen

MU SANYA AL'UMMAR MASAR CIKIN ADDU'O'INMU

Yana daga cikin cikar Musuluncin Musulmi ya nuna damuwarsa saboda damuwar da ta samu 'yan'uwansa Musulmi wadanda ake zalunta a ma ko ina ne cikin wannan duniya tamu.

Lalle muna nuna matukar bakin ciki da da takaici da irin yadda ake gallaza wa talakawan Kasar Masar talakawan da aka shaida musu cewa dimokuradiyya ce za a yi a kasarsu, watau duk wanda mafi yawan jama'a suka jefa wa kuri'a shi ne zai zama shugaban kasarsu, ko dan majalisar kasarsu. Sun fito zun zabi wadanda suke so, amma kuma azzulumai sun yi amfani da karfin bindiga suka kauda zabinsu!!

Muna rokon Allah Madaukakin Sarki da ya kawo wa talakawan Masar dauki, ya taimake su a kan azzalumai da suke zaluntarsu, ya dawo musu da wannan hakki nasu Cikin gaggawa, Ya kuma dawo musu da zama lafiya cikin wannan kasa tasu mai dimbin tarihi. Ameen

HARAMUN NE A SIFFANTA WANIN ALLAH DA CEWA SHI MASANIN GAIBI NE:

Haramun ne wani mutum ya siffanta wata halitta daga cikin halittun Allah Madaukakin Sarki: Mala'iku ne, ko Annabawa da cewa shi wannan halitta masanin gaibi ne, domin yin hakan tamkar karyata Allah Madaukakin Sarki ne!

Hakan haramun ne saboda Allah Madaukakin Sarki Ya ce cikin Suratun Naml aya ta 65:-
{قل لا يعلم من في السماوات والارض الغيب الا الله وما يشعرون ايان يبعثون}.

Ma'an: {Ka ce: Babu wanda ya san gaibi a cikin Sammai da Kasa face Allah, kuma ba sa sanin cewa a yaushe ne ake tayar da su}.

Lalle akwai ayoyi da hadithai masu yawan gaske da suke tabbatar da wannan ma'ana ta haramta sifanta wanin Allah da cewa shi masanin gaibi ne.

KARIN HASKE

Amma idan wani ya ce: Ni ina da hujjar halatta siffanta Annabi mai tsira da amincin Allah da cewa shi masanin gaibi ne, hujjar tawa kuwa ita ce:-

Fadar Allah Madaukakin Sarki cikin Suratut Takwiir aya ta 24:-
{وما هو على الغيب بضنين}.
Ma'ana: {Kuma shi (Annabi) ba mai rowan gaibi ba ne}.

Da kuma fadarSa cikin Suratu Aali Imran aya ta 44:-
{ذلك من انباء الغيب نوحيه اليك}.
Ma'ana: {Wannan daga labarun gaibi ne muke yin wahayinsa zuwa gare ka (ya kai Annabi) }.
Da wasu nassosi masu kama da wannan to sai a ce da shi:-

Gaibin da ya zo cikin wadannan nassosi yana nufin wahayin da Allah Yake yi ne zuwa ga manzanninSa, idan kuwa haka lamarin yake to ba zai halatta ba a siffanta su manzannin da cewa su masana gaibi ba ne, saboda abu biyu:-

Na farko dai: Ba ya halatta a ce Alkur'ani zai karyata kansa da kansa, ko kuwa zai yi karo da junansa.
Na biyu: Da zai halatta a siffanta Annabwan Allah da cewa su masana gaibi ne saboda wahayin da Allah Yake musu, wahayin da yake dauke da hukunce-hukunce, da kuma wasu abubuwa daban kamar irinsu labaru, to da hakan zai sa ya halatta a siffanta dukkan mutumin da manzannin za su isar masa da wannan aike da aka yi musu da cewa shi ma masanin gaibi ne! Saboda haka mu din nan da muke karanta Alkur'ani mai girma, da kuma Hadithai masu daraja muke sanin hukunce-hukunce da labarun gaskiya da suke cikinsu, ke nan zai halatta a siffanta mu da cewa: Mu masan gaibi ne!! Ina jin kuwa babu wani musulmi da zai yi jaraa'ar fadin haka.

Misalin abin: Kamar shugaban kasa ne ya fidda wata doka sannan ya kira jami'in yada labarai a fadarsa ya ce da shi: Jeka ka karanta wa talkawana wannan dokar. Sannan shi jami'in yada labaran ya je karanta wa jama'ar kasa dokar kamar yadda shugaban kasa ya umurce shi.
Kun ga ai babu wani mai hankali da zai kira wannan dokar da cewa doka ce ta jami'in yada labarai, a'a dukkan masu hankali suna sane da cewa dokace ta shugaban kasa, watau shugaban kasa shi ne mai dokar, koda kuwa shi jami'in yada labaru shi ya isar da ita zuwa ga sauran talakawa.

Tun da aka fara duniyan nan har zuwa yanzu mu halittu: --Mala'ikunmu da Annabawanmu- ko wannenmu yana iya sanin wasu abubuwa sannan kuma yana iya jahiltan wasu abubuwan, wannan sifa ce tabbatacciya gare mu, duk kuwa mai irin wannan sifa haramun ne wani ya siffanta shi da cewa shi din nan masanin gaibi mutlaqii ne.

Allah Ya taimake mu Ya tabbatar da dugaduginmu a kan sunnar Annabi mai tsira da amincin Allah. Ameen.

DASUNAN ALLAH MAIRAHAMA MAIJINKAI.
Tsira da amincin Allah sutabbata ga annabinmu maidaraja.
Bayan haka:
Duk hukuncin dayake da nassi na Al’qur’ani ko hadisi sahihi, wanda anriga anbayyanashi da nassi, tofa anan kowane irin qiyasi ko tawili basa shiga anan,domin anriga anyi nassi akai.don haka munbayyana muku ayoyin al’qur’ani da hadisan ma’aiki tsira da amincin Allah sutabbata agareshi,akan cewa acikin addinin musulunci ilimi shine sama da komai, samada kowa,malamine ke jagorancin addini , kamar yadda yazo cikin Alqur’ani da hadisi, kuma wannan shine hukuncin da Allah yayi da manzonsa,kuma haka magabata na kwarai suka fahimta ,babu dama asanya ra’ayi anan, bazaka iya ta’awilin wani abu awajanba,saidai kayi dayan abu biyu, na 1.kodai kakaryata ayoyin da hadisan da kowa yafahimcesu ayadda suke kazama kafiri. 2.kokuma kokagaskata ayoyin da hadisan da kowa yafahimcesu ayadda suke ,domin katabbata musulmi. domin Allah yariga yabayyana kuma Annabi(saw) ma yabayyana.kuma nan bawurin kiyasi bane ko ijitihadi wurinbine kawai na da’a . kamar yadda Allah yabayyana dabi’ar muminai game da hukunce hukuncen Allah (swa) ( Bashi yiwa ga wani mumini namiji ko wata mumina ta mace ace Allah da manzansa yayi nassi akan wani hukunci suwatsarda hukuncin Allah da manzansa subi wani zabi nason zuciyarsu , alhali kuwa ga nassi ) suratul ahzab ayata 36
HUKUNCIN DINKULEWA WURI GUDA GAMUMINAI
Dunkulewa wuri guda wajibine, wato farillane, bawai sai mutum yaga damaba ,domin Allah (swa) yayi nassi akan dunkulewa,a’inda yake cewa : (kudunkule wuri guda ga igiyar Allah kada kurarrabu ) Ali imrana ayata 103 zuwa ayata 105 inda Allah kecewa ( kada kuzamo kamar wadanda suka rarraba suka sassabawa juna akan karya (wato kafirai ) tokaga anan dunkulewa wuri guda ga musulmi masu imani da Alkitabu wassunnah dolene basu da wani zabi , kuma anan zamu iya ganewa dukkan wanda baidauki wannan dunkulewa wajibineba kuma yayi watsi da wannnan nassi ya gitta wani sharadi nasa nakashin kansa , yace sai anbiya masa wata bukata tasa , kosai anbashi shugabanci na mutane gaba daya , abisa jahilcinsa inba’abashiba to yafasa dunkulewar, to wannan gaskiya munafikine babu wani addini gareshi shida duk wanda yagoyi bayansa akan haka , ballantana acesu ahlussunnane .don haka ina kira da babbar murya zuwa ga wadanda suka fahimci addini, sudaina wahalarda kansu wajen tunani gameda wanda badan izala ba, wanda bai fahimci komaiba yadda suka fahimta , wanda suna kawai na izala yake amfani dashi, domin biyan wata bukata tasa, saboda izala tayi darajarda basuyi tsammaniba, alhali kuwa ku fahimtane yakawoku dagaske , baikamata kubata lokacinku kan wanda bai fahimci komaiba sai neman girma kawai, yana tsammanin abin abanza kawai yake ba sai anyi aikiba , don haka Ahlussunnah na kwarai sun yarda dahadin kannan, sunyi imani da Alqur’ani da hadisi , don haka sukazo muka hade, gasunan munata mu’amala tare dasu, tundaga kan sheikh yusuf sambo Rigacukum da almajiransa da sheikh Rabi’u Daura da almajiransa , da,da,da,da,da. Duk Sun amince da hukuncin al’qur’ani da hadisi kamar yadda Allah yayi nasssi akan dunkulewa , batare da gitta wani sharadiba, amma kaga wadanda basuyi imaniba sunyi watsi da wannan nassin , tunda ba’abiya musu bukatarsuba dasukazo nema bisa sharadinda suka gitta na kashin kansu, wanda ba Alqur’aniba kuma ba hadisiba, ya ‘yan uwa musulmi gaba daya kusani zamowa dan izala yanada tsada , bakowa kesamun wannan darajaba sai wanda Allah yanufa,saboda haka Allah ma yahana muminai surinka damuwa kan sha’anin munafukai , don haka kudaina kulasu , saboda haka nan Allah ke cewa : ( To menene yasameku acikin munafukai, kunzama qungiya biyu , alhali kuwa Allah ne ya mayardasu baya ( wato ya dilmiyardasu) saboda abinda suka aikata (na munafunci) shin kuna nufin kushiryar da wanda Allah yabatarne ?! kuma wanda Allah yabatar to bazakasamu wata hanyar shiryarshiriyaba agareshi ) Al’imrana ayata 88 Saboda haka muyita wa’azinmu kawai kuma muyi watsi da wadanda Allah ya dilmiyar dasu saboda munafuncinda suka aikata,domin duk wanda yaki karbar nassin Alqur’ani bayyananne yayi nisanda bazai fahimci wa’aziba ko anyi .saboda haka manzon Allah (saw) dukda irin bayanin daya iya mai gamsarwa, haryakoma ga ubangijinsa yabar munafukai basu gamsuba,to waye kuma yake da bayaninda zai gamsardasu, baku ganin Abdullahi bn ubayyu bn salul,saboda shugabancinnan da ba’abashiba, yazama munafiki kuma yana sallah kuma yakanje jahadi tare da Annabi (saw) amma saboda mulkin da ba’abashiba yadoje amunafurci harya mutu haka .
wato asalin abin Dan salul shiza’a nada sarki kamin Annabi (saw) yazo madina ,kafin anadashi Annabi (saw) yazo madina. To kaga babu maganar wani shugaba amadina sai Annabi (saw) to saboda rashin samun shugabancinnan yacigaba da munafunci har karshen rayuwarsa.ammashi yamutu gabanin manzom Allah (saw) yamutu. saidai Dan salul yabar masu rufa masa baya masu yawa, wadanda har manzon Allah (saw) yakoma ga ubangijinsu basu gamsuba . Allah yatsaremu daga sharrin munafukai.
Wato babban abinda nake kokarin ganarda ‘yan uwana ahlussunnah anan shine, mufahinci cewa iya ahlussunnafa sunzo mun hade, amma wadanda suka rage suna jayayyannan basu fahimci sunnah bafa , sabooda haka ‘yan gargajiyane dasunan izala,saboda haka kowa yasan suna bashine aikiba, baku ganin sunabin kowane mutum sallah kuma suci yankan kowa, kuma kowanne irin shirme zaka samesu aciki, to masu irin wannan dabi’ar kake cewa ‘yan izalanesu ?
Wassalamu alaikum. Sai haduwa nagaba insha Allahu